Mga Hakbang sa Kaligtasan sa Baha
Mga gabay at praktikal na hakbang para sa mas ligtas na paghahanda at pagkilos sa oras ng baha para sa mga may kapansanan sa paa at kanilang mga tagapag-alaga.
Kung Ikaw ay May Kapansanan sa Paa at Walang Agarang Kasama
TANDAAN :
Kung may abiso ng paglikas, lumikas na agad habang kaya pa.
Kung kailangan ng tulong:
- Humingi agad sa pamilya
- Makipag-ugnayan sa kapitbahay
- Ipaalam sa barangay ang iyong kalagayan
Kung hindi makalikas:
Pumwesto sa mataas at matibay na lugar
Siguraduhing ligtas ang daanan mula sa tubig
Panatilihing malapit ang assistive device at gamot
Kung Ikaw ay Caregiver
Bilang tagapag-alaga, mahalagang maging handa sa pag-aalalay at paglikas.
Bago o habang tumataas ang tubig:
Ihanda ang “dry zone” o mataas at tuyong lugar
Siguraduhing abot-kamay ang assistive device
Maghanda ng ligtas na daan palabas
Sa pagtulong sa paggalaw o paglikas:
Alalayan nang dahan-dahan at sabay sa galaw
Gumamit ng gait o transfer belt kung mayroon
Siguraduhing kontrolado at ligtas ang bawat hakbang
Sa oras ng baha:
Panatilihing mataas ang puwesto ng may kapansanan sa paa
Iwasan ang direktang contact sa maruming tubig
Gumamit ng makeshift flotation kung kinakailangan
